Hér er allt betra...

Ég fór í bíó á Sunnudaginn, Ísafjarðarbíó. Ég verð nú að viðurkenna það að ég hef ekki farið í bíó hér á Ísafirði í mörg mörg ár.. En á Sunnudaginn sá ég mér nú góða ástæðu til að skella mér með litla ungann á myndina Grettir 2. En þess má geta að á Sunnudaginn fyrir viku ætluðum við að fara að sjá umræddu mynd, mættum í okkar fínasta pússi en fengum kalda gusu í andlitið þegar okkur var sagt að það hafði gleymst að senda myndina! Þannig að unginn hélt að fara í bíó væri að fara í Hamraborg og taka video spólu með strákunum úr blokkinni, og svo heim í stofu með þeim að horfa og borða popp;).
Engu að síður mættum við aftur að viku liðinni, eftur með strákunum úr blokkinni og einni mömmu að auki. Þegar kom að okkur að kaupa miða var staðan þannig: fólk hringir og pantar miða. Því var miðaúrvalið ekki alveg upp á sitt besta, við fengum miða á fremsta bekk niðri, sæti eitt og tvö. Hin mamman fékk miða á öðrum bekk niðri. Svo við sátum ekki saman. Já fyrir þá sem ekki vita þá eru sætin númeruð og þú kaupir á vissum bekkjum. Hvers vegna, veit ég ekki.
En áður en við gátum sest niður og "horft" á myndina, ég er viss um að Jón Darri hafi séð köttinn bregða annað slagið fyrir, lítið annað hægt að fókusera á fremsta bekk niðri, þá vorum við mömmurnar sveittar í að hjálpa krökkunum í kringum okkur að finna sætin sín, þar sem kannski þau voru nokkur saman í hóp, en fengu sæti vítt og breytt um salinn. Einnig þurfti ég að fara og ná í bíó stjórann og benda honum á að þau höfðu selt í sæti sem vantaði bakið á... á fremsta bekk niðri. Hann reddaaði því með að koma með stól.
Grettir 2, poppið og snakkið rann vel í krakkana og allir komu heim með bros á vör.

ó je... hér er Kiddý að dansa svo fagurlega í fjörunni í Aðalvík. okkur fannst þetta vera alveg framúrskarandi ljósmyndun hjá okkur, sem og var!

borgarferðin heppnaðist vel, kristinn opnaði dyr sínar fyrir okkur, alveg svakalega hressar stelpur... vona að Kristinn beri ekki skaða af...

Á laugardaginn fórum við Kristinn og Hanna í Smáralindina, alveg nauðsynlegt að eiga svona stund í Smáranum og "flíspeysu" fílingur eins og Kristinn komst svo vel að orði.

Svakalega er ég orðin þreytt á Hemma Gunn. Við Súni vorum sammála um að það væri alveg orðið þreytt að horfa ofan í gapið á honum þegar hann tekur baksveiflurnar af hlátri. Mér fannst fínnt að muna eftir Hemma sem hressa karlinum hér á árum áður, enda oft alveg svakaleg hress með blautar tærnar í "beinni" útsendingu. En núna Hemmi minn, njóttu þess bara að vera hress, með þurrar tær, ekki í beinni.
Ég er að fara til Reykjavíkur í fyrramálið, kem aftur seinni part á Laugardaginn og fagna afmæli bóndans. Súni er að verða þrjátíu og... á laugardaginn. Hipp hipp húrra!!!
Ég er að vinna í myndunum, en verð að segja það að Ívar kom aftan að mér, því ég á ekki neina einustu mynd af honum. Enda er hann talsvert yngri en ég og ekki mikið að þvælast fyrir framan myndavélina hjá mér hér á árum áður. Og flokkast hann undir "nýr vinur". Hefði kannski átt að segja að ég ætti myndir af öllum "gömlu" vinunum mínum.... Tók samt video mynd af Ívari að dansa heima í stofu hjá mér í góðu gríni... en videoið er ekki til lengur.